Dampa biala MLA ding tur ngaihtuahtu MNF nomination committee an Chairman leh MNF President nibawk Zoramthanga hova tun hnaia ṭhukhawm chuan an Sr. Vice President Dr. R Lalthangliana hi ding turin lungrual takin an ruat a, he biala a tlin ngei theihnan MNF party chuan theihtawp a chhuah dawn a ni, an ti.

Kum 69 mi Dr. R Lalthangliana hi MLA ah term 6 thlan tlin ni tawhin kum1989, 1993, 1998, 2003, 2008 leh 2018  khan MLA a lo ni tawh a, a bial ngai Lunglei West ni ta ah term nga leh South Tuipui bialah term khat niin, term thum minister hna a lo chelh tawh bawk.

Thiamna lamah North Eastern Hill University(NEHU), Shillong hnuaiah Ph.D niin Pachhunga University College- ah Associate Professor hna pawh a lo thawk tawh a ni.

A nupui fanaute nen Kanan Veng, Aizawl ah an cheng mek.